Salvador Ordusunun hərbi qulluqçuları Haiti Milli Polisinin əməkdaşları ilə həmin ölkənin silahlı dəstələrinə qarşı genişmiqyaslı quru əməliyyatına başlayıblar.

"Report"un məlumatına görə, bu barədə Milli Polis "X" sosial şəbəkəsində xəbər verib.

Kul-de-Sak düzənliyində zirehli texnikanın dəstəyi ilə keçirilən birgə əməliyyatın məqsədi qanunsuz nəzarət məntəqələrini dağıtmaq, adam oğurluğu ilə mübarizə aparmaq və cinayətkar qruplar tərəfindən əhaliyə qarşı törədilən qəddarlıq aktlarını aradan qaldırmaqdır.

İspaniyanın EFE agentliyinin məlumatına görə, əməliyyat "Chen Mechan" və "400 Mawozo" adlı böyük dəstəni məğlub etmək məqsədi daşıyır. Hər iki cinayətkar qruplaşma Port-o-Prens ətrafndakı şəhərdə pusquya düşən dörd Salvador hərbçisininin itkin düşməsində iştirakçıdır.

Xatırladaq ki, 29 oktyabrda Salvadorun Xarici İşlər Nazirliyi ölkənin dörd aviatexnikini xilas etmək üçün Haitiyə 2 000-dən çox hərbçi göndəriləcəyini elan edib. Prezident Nayib Bukele girovların azad olunması üçün hərbi əməliyyatın 22 oktyabrda başladığını elan edib.

Hücum 18 oktyabrda Port-o-Prens ətrafındakı Krua-des-Buketdə baş verib. Beynəlxalq tibbi təxliyə missiyasına qatılan və döyüş əməliyyatlarında iştirak etməyən Salvador aviatexniklərini daşıyan zirehli avtomobil pusquya salınıb ​​və partlayışdan sonra alovlanıb. Texniklər avtomaşını tərk ediblər və sonradan girov götürülüblər.

Oxşar xəbərlər

DİN-in hərbi qulluqçuları və polis əməkdaşları Zəfər parkını ziyarət ediblər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Yeni "McDonald"s" restoranı "Port Baku Mall"un qarşısında fəaliyyətə başlayıb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3