Günəşdə nəhəng tac dəliyi yaranıb. Alimlərin proqnozlarına görə, həmin bölgədən kosmosa yayılan sürətli plazma axını Yer kürəsində uzunmüddətli maqnit qasırğalarına səbəb ola bilər.

BAKU.WS xarici mətbuata istinadən xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası məlumat yayıb.

Bildirilib ki, Günəş atmosferində müşahidə olunan tac dəliyi plazmanın temperaturunun və sıxlığının kəskin aşağı olduğu sahədir. Bu bölgələrdə plazma saxlanıla bilmədiyindən onun böyük hissəsi saniyədə 1000 kilometrədək sürətlə kosmosa yayılır.

Yer kürəsi belə sürətli günəş küləyi axınının təsirinə düşdükdə planetin maqnit sahəsində güclü dəyişikliklər baş verir və maqnit qasırğaları yaranır.

Alimlərin proqnozuna əsasən, Yer kürəsi noyabrın 7-nə keçən gecə sürətli günəş küləyinin təsirinə məruz qalacaq. Plazma axınının ilk təsiri ilə noyabrın 7-də gecə saatlarında nəzərəçarpan maqnit qasırğalarının başlaması gözlənilir.

Proqnozlara görə, planetimiz ən azı beş gün bu axının təsirində qalacaq. Yer kürəsinin maqnit sahəsinin tam sabitləşməsi isə noyabrın 13-14-də baş verə bilər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Leyla Əliyeva Bakı Xoreoqrafiya Akademiyasının qonağı olub

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Şəhidlər xiyabanına xalq ziyarəti axşam saatlarında da davam edir