Azərbaycanda müddətsiz əlillik təyin edilmiş şəxslərin yenidən tibbi müayinəyə cəlb olunması yalnız müəyyən hallarda mümkündür. Belə şəxslər hər il və ya müəyyən dövrlərdən birində avtomatik olaraq təkrar müayinədən keçməli deyillər.

BAKU.WS-in məlumatına görə, bunu Dövlət Tibbi Sığorta və Ekspertiza Agentliyinin Tibbi-Sosial Ekspertiza xidmətinin təşkili departamentinin müdir müavini İlkin Yusifov deyib.

Onun sözlərinə görə, qanunvericilikdə müddətsiz əlillik təyin edilmiş şəxslərin yenidən qiymətləndirilməsinə imkan verən xüsusi hallar nəzərdə tutulub:

"Belə ki, Tibbi-Sosial Ekspertiza Komissiyasının qərarının düzgünlüyünü şübhə altına alan əsaslı sübutlar təqdim edildikdə, Dövlət Tibbi Sığorta və Ekspertiza Agentliyi həmin şəxsi yenidən müayinəyə cəlb edə bilər.

Digər tərəfdən, müddətsiz əlilliyi olan şəxsin sağlamlıq vəziyyətində dəyişiklik baş verərsə, onun öz təşəbbüsü ilə yenidən qiymətləndirilməsi məsələsi də gündəmə gələ bilər".

Qeyd edək ki, ətrafların amputasiyası kimi anatomik qüsurlar müddətsiz əlillik təyinatına əsas olan hallardandır. Bu kateqoriyaya aid şəxslərin mütəmadi şəkildə komissiyaya çağırılması ilə bağlı ümumi tələb yoxdur.

Beləliklə, müddətsiz əlillik alan vətəndaşların təkrar müayinəsi adi prosedur deyil. Bunun üçün qanunvericilikdə nəzərdə tutulan əsaslar olmalıdır.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Fövqəladə Hallar Nazirliyi Bakı Sağlamlıq Mərkəzində təlim keçirib