İnternet provayderlərinə yeni tələblər: Şirkətlərdən əlavə sənədlər istəniləcək
Far.Az xəbər saytı

İnternet provayderlərinə yeni tələblər: Şirkətlərdən əlavə sənədlər istəniləcək


"İnternet telekommunikasiya xidməti göstərən operatorların və provayderlərin uçotunun aparılması Qaydası"nda dəyişiklik edilib İnternet xidmətlərinin keyfiyyətinin və dayanıqlılığının daha effektiv monitorinqi, eləcə də operator və provayderlərin fəaliyyəti barədə daha dolğun məlumat bazasının formalaşdırılması məqsədilə uçot qaydaları təkmilləşdirilib.

İnformasiya Kommunikasiya Texnologiyaları Agentliyindən Far.Az-ə daxil olan məlumata görə, Azərbaycan Respublikası Nazirlər Kabinetinin 2026-cı il 13 noyabr tarixli 382 nömrəli Qərarı ilə "İnternet telekommunikasiya xidməti göstərən operatorların və provayderlərin uçotunun aparılması Qaydası"nda dəyişikliklər edilib.

Dəyişikliklərə əsasən, uçota alınma üçün ərizə ilə müraciət edən internet telekommunikasiya xidməti göstərən operator və provayderlər bir sıra sənədlər təqdim edəcəklər. Buraya xidmətin təşkili üçün qurulmuş telekommunikasiya şəbəkəsində istismar olunan telekommunikasiya vasitələri, şəbəkənin strukturu, abunəçi tutumunun həddi və istismara verilməsi mərhələləri barədə məlumatlar, telekommunikasiya şəbəkəsinin vektor xəritəsi, internet telekommunikasiya xidmətinin keyfiyyətinə və dayanıqlılığına nəzarət sisteminə malik olması barədə sənədlərin surəti daxildir. Eyni zamanda xidmət göstərilən istifadəçi kateqoriyası, eləcə də xidmətin topdan, pərakəndə və ya yenidən satış formasında təqdim olunması barədə məlumatlar da uçota alınma üçün ərizədə əks etdiriləcək.

Dəyişikliklərə əsasən, uçota alınmış operatorlar və provayderlər barədə ictimaiyyətə açıqlanan məlumatların dairəsi də genişləndirilib.

Belə ki, digər məlumatlarla yanaşı operator və provayderlərin fəaliyyətinin əhatə dairəsi, hüquqi və fəaliyyət ünvanı, internet informasiya ehtiyatı, fəaliyyət növü, telefon nömrəsi, elektron poçt ünvanı və müqavilə nümunəsi ictimaiyyət üçün əlçatan olacaq.

Yeni yanaşma İKTA-nın internet xidmətləri bazarında faktiki vəziyyəti daha dəqiq qiymətləndirməsinə, xidmət əhatəsinin və şəbəkə infrastrukturunun inkişafını məlumat əsaslı izləməsinə, keyfiyyət və dayanıqlılıq göstəriciləri üzrə monitorinq imkanlarının gücləndirilməsinə şərait yaradacaq. Nəticədə istehlakçılara göstərilən internet xidmətlərinin keyfiyyətinə daha sistemli nəzarət üçün əlavə imkanlar formalaşacaq.

Oxşar xəbərlər

Prezident İlham Əliyev Əfv Sərəncamı imzalayıb
Nazir bu müəllimləri təltif edildi - ADLAR
Prezident İlham Əliyev Xankəndidə əsaslı şəkildə yenidən qurulmuş Mədəniyyət Mərkəzinin açılışında iştirak edib
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
1 Noyabr-Kənd Təsərrüfatı İşçiləri Günü münasibətilə jurnalistlər üçün maarifləndirici təlim keçirilib

Ən son xəbərləri bizim

"Facebook" səhifəmizdə izləyin

Digər xəbərlər