"Türkmənistan" aviaşirkəti Moskvadan İstanbul vasitəsilə Aşqabada reys təşkil edir
Far.Az xəbər saytı

"Türkmənistan" aviaşirkəti Moskvadan İstanbul vasitəsilə Aşqabada reys təşkil edir


"Türkmənistan" aviaşirkəti dekabrın 30-31-də Moskva-Aşqabad reysinə biletləri olan sərnişinlərin Moskva-İstanbul-Aşqabad alternativ marşrutu ilə daşınmasını təşkil edəcək.

“Report” Türkmənistanın "Orient" İnformasiya Agentliyinə istinadən xəbər verir ki, bu barədə aviaşirkət məlumat yayıb.

Qeyd olunub ki, Moskva-İstanbul marşrutuna kənar daşıyıcı cəlb ediləcək.

Bildirilib ki, "Türkmənistan" aviaşirkəti 30.12.2024 - 31.01.2025 tarixləri arasında Aşqabad-Moskva-Aşqabad marşrutu üzrə müntəzəm reysləri dayandırıb. Reyslərin ləğvinin səbəbləri açıqlanmayıb.

Qeyd edək ki, geniş regionun bir neçə aviaşirkəti və ölkəsi - Azərbaycan, Qazaxıstan, Türkmənistan, Birləşmiş Ərəb Əmirlikləri dekabrın 25-də AZAL-a məxsus sərnişin təyyarəsinin qəzaya uğramasından sonra Rusiyanın bir çox şəhərlərinə uçuşları dayandırıb.

Xatırladaq ki, “Azərbaycan Hava Yolları”na məxsus Bakı – Qroznı aviareysini həyata keçirən “Embraer 190” təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Ən son xəbərləri bizim

"Facebook" səhifəmizdə izləyin

Digər xəbərlər