Tailandda Yeni il tətili ərzində yol qəzalarında 140-dan çox insan həlak olub
Far.Az xəbər saytı

Tailandda Yeni il tətili ərzində yol qəzalarında 140-dan çox insan həlak olub


Tailandda üç günlük Yeni il bayramı zamanı baş verən yol qəzalarında 140-dan çox insan ölüb.

"Far.Az"un məlumatına görə, bu barədə "The Nation" qəzeti xəbər yayıb.

Tailandın Yol Təhlükəsizliyi Mərkəzinin məlumatına görə, dekabrın 27-dən 29-dək 870-dən çox qəza baş verib. Nəticədə 840-dan çox insan xəsarət alıb.

Qeyd olunur ki, qəzaların əsas səbəbləri sürət həddinin aşılması, sərxoş vəziyyətdə avtomobil idarə etmək olub. Hadisələrin əksəriyyəti motosiklet sürənlərin iştirakı ilə baş verib.

Tialandın ədliyyə naziri Thavi Sodsonq sürücülərin spirtli içki qəbul etməsini yoxlamaq üçün festivalların keçirildiyi ərazilərin yaxınlığında nəzarət-buraxılış məntəqələrinin yaradılması da daxil olmaqla, yol hərəkətinə nəzarətin gücləndirilməsi barədə əmr verib. O, həmçinin əlavə edib ki, sərxoş vəziyyətdə avtomobil idarə etməyə görə cəzalar barədə ictimaiyyətin maarifləndirilməsi istiqamətində işlər aparılacaq.

Tailandda Yeni il tətilləri dekabrın 27-də başlayıb və yanvarın 3-dək davam edəcək. Krallığın sakinləri bu günləri səyahət etdikləri əyalətlərdə, o cümlədən şəxsi avtomobilləri ilə keçirməyə üstünlük verirlər. Nəticədə yollarda qəza halları artır.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Bu ilin 11 ayı ərzində 505 yol qəzası olub, 344 nəfər ölüb
İranda saxta spirtli içki hazırlamaqda təqsirləndirilən dörd nəfər edam olunub
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər