Son həftələrdə Çin və Malayziyada yayılan insan metapnevmovirusu (HMPV) insanlar üçün yüksək təhlükə təşkil etmir.

“Report” TASS-a istinadən xəbər verir ki, bu barədə CAR-ın Milli Yoluxucu Xəstəliklər İnstitutu (MYXİ) məlumat yayıb.

“HMPV respirator virusunun geniş yayılması təhlükəsi ilə bağlı təşvişə düşmək üçün heç bir səbəb yoxdur. Bununla belə, CAR-ın tibbi qurumları hazırda HMPV ilə yoluxanların ən çox olduğu Çin və Malayziyada epidemioloji vəziyyəti diqqətlə izləyir”, – Cənubi Afrika alimləri yerli EWN radio stansiyasına bildirib.

MYXİ-nin bir şöbəsinin rəhbəri Şeril Koen yaxın vaxtlarda dünyada HMPV ilə xəstələnənlərin sayının arta biləcəyini istisna etməyib. “Mütəxəssislərdə olan bütün məlumatlar göstərir ki, bu respirator xəstəliyə yol açan viruslar Şimal yarımkürəsində qış mövsümündə aktivləşən ən tipik mövsümi viruslara aiddir. Məncə, dünyada pandemiyanın yaranacağından və ya HMPV-nin mutasiyaya uğrayıb daha aqressiv olacağından qorxmağa əsas yoxdur”, – o qeyd edib.

CAR-ın respirator xəstəliklər sahəsində aparıcı mütəxəssislərindən biri olan Tulio de Oliveyra da bu nəticə ilə razılaşır: “Çində HMPV-nin hazırkı alovlanması təşvişə səbəb olmamalıdır. COVID-19 ilə oxşarlığına baxmayaraq, metapnevmovirus adi qripdən daha az təhlükəlidir. HMPV dünya üçün ciddi təhlükə təşkil etmir”.

“Metapnevmovirus elm aləminə məlumdur və bütün dünyada rast gəlinir. İnsan orqanizminə düşdükdə HMPV tənəffüs yollarının iltihabına, öskürəyə və üşütməyə səbəb olur. Bəzi hallarda o, bronxit və pnevmoniyaya səbəb ola bilər. HMPV-yə ən çox uşaqlar və yaşlı insanlar məruz qalır”, – o deyib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Səhiyyə Nazirliyi yeni yayılan respirator virusla bağlı açıqlama verib

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2