Çinin Sian Universitetindən bir qrup kimyaçısı və biotexnoloqu CO2 karbon dioksidini yeməli birhüceyrəli zülala çevirə bilən iki reaktorlu sistem hazırlayıb.

"Report" xəbər verir ki, tədqiqat “Environmental Science and Ecotechnology” (ESE) elmi jurnalında dərc olunub.

Birinci mərhələ karbon dioksidi vasitəçi rolunu oynayan asetata çevirmək üçün mikrobial elektrosintezdən istifadə edir. İkinci mərhələ, aerob bakteriyaların köməyi ilə birhüceyrəli zülala çevrildiyi reaktora alınan asetatın verilməsini əhatə edir.

Tədqiqatçılar qeyd edib ki, sistem 17,4 q/l quru hüceyrə ağırlığında təsirli olub. Alimlərin fikrincə, sistemdən istifadə edərək soya və balıq unundan 74 % daha yüksək protein konsentrasiyası olan məhsul istehsal etmək mümkün olub.

Mütəxəssislər, ortaya çıxan zülalın insanları və ya heyvanları qidalandırmaq üçün istifadə edilə biləcəyini əlavə ediblər.

Mütəxəssislərin fikrincə, yeni sistem gələcəyə böyük təsir göstərə bilər, çünki artan dünya əhalisi üçün qida yaratmaq üçün vasitə təqdim edir və atmosferdəki karbon dioksidin miqdarını azaldır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3