“Telegram” messencerinin təsisçisi Pavel Durovdan sonra susdurulacaq növbəti şəxs amerikalı iş adamı, “X” sosial şəbəkəsinin sahibi İlon Mask ola bilər.

“Far.Az” xəbər verir ki, bu barədə İtaliyanın Baş nazirinin müavini, nəqliyyat və infrastruktur naziri Matteo Salvini feysbuk səhifəsində yazıb.

Siyasətçinin fikrincə, Avropa artıq senzuraya, “rejimin üfunət iyinə” yaxındır:

İroniya ilə “Yaşasın düşüncə və söz azadlığı” yazan İtaliya Baş nazirinin müavini bildirib: “Bundan sonra kim susacaq? Hesab edirəm növbəti İlon Mask ola bilər”.

Qeyd edək ki, avqustun 24-də Fransada “Telegram” sosial şəbəkəsinin yaradıcısı Pavel Durov həbs edilib. İş adamı saat 20:00 radələrində (Bakı vaxtı ilə 2”:00) Le Burje hava limanında şəxsi təyyarəsindən enərkən saxlanılıb.

Oxşar xəbərlər

İlon Mask Pavel Durovu azadlığa buraxmağa çağırıb

"Telegram"ın yaradıcısı Pavel Durov Fransada saxlanılıb

Fransa siyasətçisi Pavel Durovun saxlanmasına görə ölkəni zülmkarlıqda ittiham edib

"Telegram"ın təsisçisi Fransada saxlanılıb, onu 20 ilə qədər həbs gözləyir

Rusiya Pavel Durovla əlaqədar Fransaya nota göndərib