Trampın dağıdıcı rekordu açıqlanıb
Far.Az xəbər saytı

Trampın dağıdıcı rekordu açıqlanıb


ABŞ prezidenti Donald Tramp prezidentliyinin ilk üç ayında Amerika xarici siyasətini dağıdaraq, sələflərini səriştəsizlik baxımından geridə qoyub.

BAKU.WS xəbər verir ki, bu barədə Harvard Universitetinin beynəlxalq münasibətlər üzrə professoru Stiven Uolt "Foreign Affairs" jurnalındakı məqaləsində yazıb.

"Demək olar ki, o [Tramp] ABŞ xarici siyasətində uğursuzluq üçün hazırlanmış "beş mərhələli bələdçi"yə əməl edir. 1-ci addım: çoxlu yaltaq və sədaqətli şəxsləri vəzifəyə təyin etmək. 2-ci addım: mümkün qədər çox ölkə ilə münaqişəyə girmək. 3-cü addım: millətçiliyin gücünü görməzdən gəlmək. 4-cü addım: beynəlxalq normaları pozmaq, razılaşmalardan imtina etmək və gözlənilməz olmaq. 5-ci addım: Amerikanın gücünün əsaslarını sarsıtmaq", – deyə alim vurğulayıb.

Uolt qeyd edib ki, ümumilikdə ABŞ-nin xarici siyasəti son 25 ildə böhran yaşayır və Trampdan əvvəlki prezidentlər – Corc Buş (kiçik), Barak Obama və Co Bayden də bir çox səhvlərə yol veriblər. Lakin o bildirib ki, hazırkı prezidentin yaratdığı miqyası misilsizdir.

Stiven Uolt – beynəlxalq münasibətlər sahəsində realizm məktəbinin nümayəndəsi olan tanınmış amerikalı politoloqdur. O, xüsusilə Çikaqo Universitetinin professoru Con Mirşaymerlə birlikdə yazdığı əsərlərlə məşhurdur. Həmkarı kimi, Uolt da ABŞ-nin Ukrayna münaqişəsinə dair siyasətini tez-tez tənqid edir. O, keçən il noyabrın 10-da Trampa Ukraynaya yardımdan imtina etməyi və bunun müqabilində Rusiya ilə ərazi bölgüsü və Ukraynanın neytrallığına dair razılaşma əldə etməyi təklif etmişdi.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Stiven Hokinqin sözləri düz çıxdı?
Bu gün Müzəffər Ali Baş Komandan, Prezident İlham Əliyevin doğum günüdür
BMT-də COP29 prezidentliyinin ev sahibliyi ilə "Dayanıqlı və Sağlam Şəhərlər üçün Multisektoral Fəaliyyət Yolları” təşəbbüsü müzakirə olunub

Ən son xəbərləri bizim

"Facebook" səhifəmizdə izləyin

Digər xəbərlər