Azərbaycan millisi Fransanın paytaxtı Parisdə keçirilən Yay Paralimpiya Oyunlarının medal sıralamasında 28-ci pillədə qərarlaşıb.

"Report"un məlumatına görə, hazırda yığmanın hesabında 3 qızıl, 1 gümüş və 2 bürünc mükafat var.

İmaməddin Xəlilov (parataekvondo, 70 kq), Səid Nəcəfzadə (T12, uzunluğa tullanma) və Lamiyə Vəliyeva (T13 kateqoriyası, 100 metr məsafəyə qaçış) qızıl, Raman Saley gümüş (100 metr məsafəyə arxasıüstə üzmək) və bürünc (100 metr məsafəyə sərbəst üsulla üzmək), Sabir Zeynalov (parataekvondo, 58 kq) bürünc medala sahib çıxıblar.

Siyahıya Çin (62 qızıl, 46 gümüş, 27 bürünc) başçılıq edir. Böyük Britaniya (33 qızıl, 25 gümüş, 16 bürünc) ikinci, ABŞ (25 qızıl, 26 gümüş, 12 bürünc) üçüncüdür.

Hələlik 78 ölkə təmsilçiləri mükafat əldə edə biliblər.

Qeyd edək ki, paralimpiada sentyabrın 8-də başa çatacaq.

Oxşar xəbərlər

Paris-2024: Lamiyə Vəliyeva bu gün növbəti sınağına çıxacaq

Bu gün paralimpiadada Azərbaycanın 5 idmançısı çıxış edəcək

Bu gün Paris-2024 Yay Paralimpiya Oyunlarının açılış mərasimi keçiriləcək

Paris-2024: Lamiyə Vəliyeva finala yüksəlib

Parisdə Yay Paralimpiya Oyunlarının açılış mərasimi baş tutub