Türkiyədə təcili enən Hindistan təyyarəsində bomba tapılmayıb
Far.Az xəbər saytı

Türkiyədə təcili enən Hindistan təyyarəsində bomba tapılmayıb


Hindistanın “Vistara” aviaşirkətinin Mumbaydan Frankfurta uçan və bomba qeydinə görə təcili olaraq Türkiyənin Ərzurum hava limanına eniş etməli olan təyyarənin göyərtəsində partlayış təhlükəsi təsdiqini tapmayıb.

“Far.Az” xəbər verir ki, bu barədə Ərzurum valisi Mustafa Çiftçi bəyan edib.

“Minatəmizləmə mütəxəssisləri təyyarəyə baxış keçiriblər. Partlayış təhlükəsinin təsdiqlənmədiyi müəyyən edilib. Hava limanında uçuşlara qoyulan qadağa aradan qaldırılıb”, - deyə o bildirib.

Qeyd edək ki, Mumbay-Frankfurt reysini yerinə yetirən Hindistanın “Vistara” aviaşirkətinə məxsus təyyarədə sərnişinlərdən biri salfetin üzərinə “Təyyarədə bomba var” yazıb. Ərzurum hava limanına təcili eniş edən təyyarə ilə əlaqədar Türkiyə dövlət orqanları Ərzurum üzərində hava məkanını bağlayıb. Təyyarədən 234 sərnişin və 13 ekipaj üzvünü təxliyə edib və təcili yardım çağırıb.

Oxşar xəbərlər

Hindistandan Almaniyaya uçan təyyarə Ərzurumda məcburi eniş edib
AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ
"Air İndia"da bomba həyəcanı: 135 sərnişin təyyarədən düşürüldü
Paris-Orli hava limanının iki terminalı bomba təhlükəsi səbəbindən boşaldılıb
Hindistana məxsus təyyarənin sərnişinləri mina təhlükəsi ilə bağlı təxliyə edilib

Ən son xəbərləri bizim

"Facebook" səhifəmizdə izləyin

Digər xəbərlər