Məşhurların amansız XƏSTƏLİKLƏRİ - SİYAHI
Bir çox tanınmış musiqiçi, aktyor və idmançı ağır xəstəliklərlə üzləşib. Onların bəziləri xəstəliyə qalib gəlib, bəziləri isə həyatını itirib.
BAKU.WS xəbər verir ki, "Qara Pantera" filminin ulduzu Çedvik Bouzman dörd illik yoğun bağırsaq xərçəngi ilə mübarizədən sonra dünyasını dəyişib. Britaniyalı rok əfsanəsi Devid Boui isə 18 ay gizli saxladığı xərçəng xəstəliyinə məğlub olub.
Müğənni və aktrisa Selena Qomez lupus xəstəliyi səbəbindən 2017-ci ildə böyrək köçürməsi əməliyyatı keçirib və xəstəliyini ictimaiyyətlə bölüşərək maarifləndirmə aparır. Aktyor Maykl C. Foks 1991-ci ildə Parkinson xəstəliyinə tutulub və sonradan bu sahədə elmi tədqiqatlara dəstək üçün fond yaradıb. Aktrisa Kristina Applegate isə 2021-ci ildə çoxsaylı skleroz diaqnozu aldığını açıqlayıb.
Türkiyəli sənətçilər arasında da ciddi sağlamlıq problemləri yaşayanlar var. Yıldız Tilbə konsert zamanı yüksək təzyiqdən əziyyət çəkdiyini bildirib. Müğənni Yılmaz Morgül isə uzun illər dəri xərçəngi ilə mübarizə apararaq ABŞ-də müalicə alıb.
Sağlamlıqla bağlı çətinliklər yalnız sənət dünyası ilə məhdudlaşmır. Tanınmış idmançılar arasında da ağır xəstəliklərə qalib gələnlər az deyil. Amerikalı velosipedçi Lans Armstronq testis xərçəngindən sağ çıxaraq ardıcıl yeddi dəfə "Tur de Frans" qalibi olub. Alonzo Mourinq 54 yaşında prostat xərçəngi diaqnozu alıb və uğurlu əməliyyatdan sonra sağalıb. Britaniyalı velosipedçi Kris Hoy da xərçəng müalicəsi keçdiyini ictimaiyyətə açıqlayıb.
Hindistanlı kriketçi Yuvrac Sinq nadir növ şiş xəstəliyinə qalib gəlib, fransalı futbolçu Sebastyan Haller isə prostat xərçəngindən müalicə aldıqdan sonra idmana qayıdıb.
Mütəxəssislər bildirirlər ki, məşhurların xəstəliklərini ictimai şəkildə paylaşması cəmiyyətin maariflənməsinə, erkən diaqnozun və sağlam həyat tərzinin əhəmiyyətinə diqqəti artırır.
Oxşar xəbərlər
Selena Qomez və Benni Blanko evləndi
Leyla Əliyeva "Hirkan" sənədli filminin təqdimatında iştirak edib
Bu azərbaycanlı məşhurların övladı birinci sinifə gedir
Prezident İlham Əliyev Əfv Sərəncamı imzalayıb
Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
Sahilboyu ərazilərdə torpaq sahələrinin istifadəyə və icarəyə verilməsi rəqəmsallaşdırılacaq
-
Qarakənd faciəsindən 35 il ötür
-
"Anthropic"in səhmləri "Nasdaq"da ticarətin ilk günündə 17 % artıb













