ARDNF-in investisiya portfelində qızılın payı 35 %-ə çatdırılacaq
2026-cı ildə Dövlət Neft Fondunun (ARDNF) investisiya portfelində qızılın payının yuxarı uzaqlaşma intervalı maksimum 4 % olmaqla, portfelin məcmu dəyərinin 35 %-i qədər olması nəzərdə tutulur.
"Report" xəbər verir ki, bu, Prezident İlham Əliyevin bu gün imzaladığı Fondun 2026-cı il büdcəsi haqqında fərmanda öz əksini tapıb.
Xatırladaq ki, ARDNF-in 2025-ci il üçün təsdiqlənmiş investisiya siyasətində qızılın payının 25 % olması nəzərdə tutulsa da, ilin 9 ayının yekununda sözügedən göstərici 32,8 % təşkil edib. Fond 1844,8 ton qızıl ehtiyatına malik olub.
Gələn il qızılın payının artırılmasına paralel olaraq borc öhdəlikləri altportfelinin aşağı uzaqlaşma intervalı maksimum 10 % olmaqla, portfelin məcmu dəyərinin 30 %-i qədər olması planlaşdırılır (bu il 40 %-dir).
Səhm (pay) altportfeli – yuxarı uzaqlaşma intervalı maksimum 3 % olmaqla, investisiya portfelinin məcmu dəyərinin 25 %-ə qədər və daşınmaz əmlak altportfeli – yuxarı uzaqlaşma intervalı maksimum 3 % olmaqla, investisiya portfelinin məcmu dəyərinin 10 %-ə qədər saxlanılıb.
Bu il oktyabrın 1-nə ARDNF-in aktivləri 70 milyard 161,7 milyon ABŞ dolları təşkil edib. Bu, yanvarın 1-i ilə müqayisədə 16,9 % çoxdur. Artım əsasən, Fondun aldığı qızılın bahalaşması hesabına baş verib. Hazırda əmtəə birjalarında qiymətli metalın bir unsiyası 4 500 ABŞ dolları ətrafında ticarət edilir.
Oxşar xəbərlər
ARDNF-in gələn il üçün investisiya siyasətinin əsas istiqamətləri açıqlanıb
Heydər Əliyev Fondunun dəstəyi ilə alınan musiqi alətlərinin təqdimatı olub
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Neft Fondunun xaricdəki daşınmaz əmlakları
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
Sahilboyu ərazilərdə torpaq sahələrinin istifadəyə və icarəyə verilməsi rəqəmsallaşdırılacaq
-
Qarakənd faciəsindən 35 il ötür
-
"Anthropic"in səhmləri "Nasdaq"da ticarətin ilk günündə 17 % artıb













