Şuşadan Laçına gedən yolda təbii bulağın ətrafının zibilliyə çevrilməsi barədə” sosial şəbəkələrdə yayılmış görüntülər Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb və xoşagəlməz vəziyyətin aradan qaldırılması təmin edilib.

Far.Az xəbər verir ki, bu barədə Dövlət Ekoloji Təhlükəsizlik Xidməti (DETX) məlumat yayıb.

Bildirilib ki, xidmətin əməkdaşlarının və “Təmiz şəhər” ASC-nin işçilərinin köməyi ilə sahələrin tullantılardan təmizlənməsi təşkil olunub, toplanmış tullantılar Xankəndi poliqonuna daşınıb.

Ərazidə tullantıların atılmasını qadağan edən lövhələrin quraşdırılması üçün işlərə başlanılıb.

"Əhalinin diqqətinə çatdırırıq ki, ictimai yerlərə, yol kənarlarına, təbiət ərazilərinə məişət tullantılarının atılması mövcud qanunvericiliklə qadağandır. Dövlət Ekoloji Təhlükəsizlik Xidməti vətəndaşlara müraciət edir: Ölkəmizin bütün ərazilərinin təmiz saxlanılması, tullantılarla çirkləndirilməməsi hər birimizin vətəndaşlıq borcudur. Hüquqi məsuliyyətdən öncə milli dəyərlərə hörmət edib, ərazilərimizin təmizliyini qorumalıyıq", - məlumatda deyilir.

Oxşar xəbərlər

Şuşa-Laçın yolunda bulağın ətrafında yaranmış xoşagəlməz vəziyyət aradan qaldırılıb

Azərbaycan Sərhəd Mühafizəsinin yaranmasından 105 il ötür

Şuşadan Laçına gedən yoldakı bulağın ətrafı təmizləndi - VİDEO

“Səba” istehsalı və satışı dayandırır? - AÇIQLAMA

Şuşa, Laçın və digər yerlərdə ətrafı mühiti çirkləndirənlərin cəzalandırılmasına çağırış edilib