Futbol üzrə Azərbaycan Premyer Liqasında III tura start verilib.

"Report"un məlumatına görə, günün ilk matçında "Kəpəz" "Turan Tovuz"la üz-üzə gəlib.

Qarşılaşma Tovuz təmsilçisinin qələbəsi ilə bitib - 3:0.

15-ci dəqiqədə Xəyal Nəcəfov, 19-cu dəqiqədə Roderik Miller, 61-ci dəqiqədə Kristian da Silva fərqlənib.

Bu nəticədən sonra xallarının sayını 7-yə yüksəldən "Turan Tovuz" hələlik çempionatın lideri olub. Xalsız olan Gəncə klubu sonuncu-10-cu sıradadır.

Günün digər matçında "Sumqayıt" "Səbail"i qəbul edəcək.

Qeyd edək ki, III turun "Şamaxı" - "Qarabağ" və "Zirə" - "Araz-Naxçıvan" qarşılaşmaları təxirə salınıb. Tura avqustun 18-də "Neftçi" - "Sabah" matçı ilə yekun vurulacaq.

Oxşar xəbərlər

Premyer Liqa: "Sumqayıt" "Səbail"i məğlub edib

Premyer Liqa: "Sumqayıt" "Səbail"ə qalib gəlib

“Neftçi” “Sabah”la üz-üzə - Heyətlər açıqlanıb

UEFA Çempionlar Liqası: "Qarabağ" "Dinamo"ya məğlub olub - YENİLƏNİB - 6

UEFA Çempionlar Liqası: "Qarabağ" üçüncü qolu qapısında görüb - YENİLƏNİB - 5