Azərbaycan Dövlət Akademik Musiqili Teatrı və Berdax adına Qaraqalpaq Dövlət Akademik Musiqili Teatrı arasında əməkdaşlıq haqqında memorandum imzalanıb.

"Report" xəbər verir ki, bu barədə Özbəkistan Mədəniyyət Nazirliyi məlumat yayıb.

"Memorandum teatr sahəsində təcrübə mübadiləsini, birgə tamaşaların hazırlanmasını, qastrol turlarının təşkilini, festivallarda iştirakı və yaradıcılıq görüşlərinin keçirilməsini nəzərdə tutur. Bu saziş hər iki teatrın kollektivləri üçün yeni yaradıcılıq imkanları açacaq və birgə layihələri reallaşdırmağa imkan verəcək", - məlumatda qeyd olunub.

Bu ilin sentyabr ayında Berdax adına Qaraqalpaq Dövlət Akademik Teatrının 100 illik yubileyi münasibətilə Azərbaycan Dövlət Akademik Musiqili Teatrı Nukus şəhərinə səfər edəcək.

Qonaqlar və tamaşaçılar görkəmli Azərbaycan bəstəkarı Üzeyir Hacıbəylinin Berdax adına teatrın truppası ilə birgə təqdim olunan məşhur "Arşın mal alan" tamaşasını izləyə biləcəklər.

Oxşar xəbərlər

20 Sentyabr - Neftçilər Günü münasibətilə tədbir keçirilib

Daş Salnamə Muzeyində "Suyun sirri" pantomim tamaşası təqdim olunub

Bakı Uşaq və Gənclər Teatrı yeni  layihəyə start verib.

27 Sentyabr - Anım Günü münasibətilə Azərbaycan Ordusunda silsilə tədbirlər keçirilib

"McDonald's Azərbaycan" və DSMF şəhid övladlarının iştirakı ilə teatr tamaşası təşkil edib