Ukrayna Rusiyanın dərinliyində yerləşən növbəti enerji obyektinə zərbə endirib. Ukrayna Təhlükəsizlik Xidmətinin (UTX) pilotsuz uçuş aparatları təxminən 500 kilometrlik məsafəni qət edərək Rusiyanın Pskov vilayətindəki neft bazasına hücum həyata keçirib.

Far.Az xəbər verir ki, bu barədə "RBK-Ukrayna" nəşri məlumat yayıb.

Məlumata görə, əməliyyat gecə saatlarında baş tutub.

Bildirilir ki, zərbə UTX-nin "Alfa" Xüsusi Əməliyyatlar Mərkəzinə məxsus PUA-lar vasitəsilə endirilib. Hədəf Pskov vilayətində yerləşən "Velikolukskaya" neft bazası olub.

Mənbələrin iddiasına əsasən, hücum nəticəsində ən azı dörd güclü partlayış qeydə alınıb. Partlayışlardan dərhal sonra obyekt ərazisində genişmiqyaslı yanğın başlayıb. Yanğının miqyası və mümkün zərər barədə rəsmi məlumat hələ açıqlanmayıb.

Oxşar xəbərlər

Bakıda obyektdə güclü PARTLAYIŞ - 7 nəfər xilas edilib, yaralılar var

DYMX Neft Emalı Zavodunda yanğın-taktiki təlim keçirib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Şəhidlər xiyabanına xalq ziyarəti axşam saatlarında da davam edir