İtaliyanın Baş naziri Ciorcia Meloni ilə Fransanın Prezidenti Emmanuel Makron arasında diplomatik gərginlik yaranıb. Buna səbəb Fransanın Lion şəhərində ifrat sağçı fəalın qətli ilə bağlı verilən açıqlamalar olub.

BAKU.WS "Politico" nəşrinə istinadən xəbər verir ki, Makron əvvəlcə 23 yaşlı Kventin Derankın öldürülməsini "bütün Avropa üçün açıq yara" adlandıran Melonini tənqid edib.

Fransa lideri Hindistana səfəri zamanı bildirib ki, İtaliya Baş naziri Fransanın daxili məsələlərinə həddən artıq müdaxilə edir.

Meloninin yaxın ətrafı isə bu ittihamları qəbul etməyib. Onların sözlərinə görə, Baş nazirin açıqlaması Fransanın daxili işlərinə qarışmaq məqsədi daşımayıb, əksinə, baş verən faciə ilə bağlı Fransa xalqı ilə həmrəylik ifadə etmək niyyəti güdüb.

Qeyd edək ki, Ciorcia Meloni ilə Emmanuel Makron arasında münasibətlər son dövrlərdə tez-tez fikir ayrılıqları ilə müşayiət olunur. Tərəflər miqrasiya siyasəti, sosial məsələlər və digər mövzularda fərqli mövqelər nümayiş etdiriblər.

Buna baxmayaraq, apreldə Tuluza şəhərində keçirilməsi planlaşdırılan Fransa–İtaliya sammitində tərəflər arasında münasibətlərin yumşalacağı gözlənilir.

Oxşar xəbərlər

İtaliyanın Baş naziri Prezident İlham Əliyevlə görüşüb - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda Azərbaycan Könüllülərinin VIII Həmrəylik Forumu keçirildi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib