Çeçenistanda əlverişsiz hava şəraiti ilə bağlı fövqəladə vəziyyət elan edilib
Far.Az xəbər saytı

Çeçenistanda əlverişsiz hava şəraiti ilə bağlı fövqəladə vəziyyət elan edilib


Rusiya Federasiyasının Çeçenistan Respublikası ərazisində əhalinin qorunması və əlverişsiz hava şəraitinin fəsadlarının aradan qaldırılması məqsədilə fövqəladə hal rejimi tətbiq edilib.

"Far.Az" Rusiya KİV-lərinə istinadən xəbər verir ki, müvafiq sərəncamı respublika rəhbəri Ramzan Kadırov imzalayıb.

"Yaranmış fövqəladə hal regional xarakterli fövqəladə hallara aid edilsin və Çeçenistan Respublikası ərazisində "Fövqəladə hal" rejimi tətbiq olunsun", - sənəddə bildirilib.

FHN-in regional Baş İdarəsinin rəhbəri Əlixan Çakayevin məlumatına görə, aramsız leysan yağışları və çaylarda suyun səviyyəsinin qalxması nəticəsində Çeçenistanın 18 yaşayış məntəqəsi ərazisində 1,8 mindən çox ev və həyətyanı sahə su altında qalıb. 500 nəfər təxliyə edilib. O əlavə edib ki, əlverişsiz hava şəraitinin fəsadlarının aradan qaldırılmasına ümumilikdə 2 mindən çox insan və 668 ədəd texnika cəlb olunub.

Oxşar xəbərlər

Bu günə qədər Azərbaycan vasitəsilə İrandan 725 nəfər təxliyə olunub
İlham Əliyev Ağdamda 2-ci yaşayış kompleksinin açılışında iştirak edib
Son iki saatda İrandan Azərbaycana daha 9 nəfər təxliyə olunub
Xaçmazda aramsız yağan leysan nəticəsində 537 evi su basıb
Son üç saatda İrandan Azərbaycana 50 nəfər təxliyə edilib - YENİLƏNİB-6

Ən son xəbərləri bizim

"Facebook" səhifəmizdə izləyin

Digər xəbərlər