ABŞ Konqresinin Senatı Kevin Uorşun Federal Ehtiyat Sisteminin (FES) Rəhbərlər Şurasına namizədliyini təsdiqləyib.

"Report" "Bloomberg"ə istinadən xəbər verir ki, onun namizədliyi 45-ə qarşı 51 səslə təsdiqlənib.

Səsvermə Uorşu dəstəkləyən demokrat senator Con Fetterman istisna olmaqla, partiyaların mövqelərinə uyğun olaraq (respublikaçılar - "lehinə", demokratlar - "əleyhinə") keçib.

Namizədliyi ABŞ Prezidenti Donald Tramp tərəfindən irəli sürülmüş Uorş 14 il müddətinə FES-nin Rəhbərlər Şurasının tərkibinə daxil olacaq.

Bununla belə, o hələ 4 il müddətinə tənzimləyicinin sədri olaraq təsdiqlənməyib. Senatın bu məsələ üzrə səsverməsinin çərşənbə günü keçirilməsi gözlənilir.

Qeyd edək ki, Cerom Pauellin FES sədri postunda səlahiyyət müddəti mayın 15-də başa çatır, lakin o, maliyyə tənzimləyicisinin Rəhbərlər Şurasında 2028-ci ilə qədər qala bilər. ABŞ Prezidenti Donald Tramp əvvəllər uçot dərəcəsinin çox ləng azaldılmasına görə FES-nin hazırkı rəhbərindən dəfələrlə narazılığını bildirmişdi.

Daha əvvəl ABŞ Senatının Bank Komitəsi Trampın təklif etdiyi Kevin Uorşun FES-nin yeni sədri postuna namizədliyini bəyənmişdi.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Pauell FES rəhbəri vəzifəsindən getdikdən sonra Rəhbərlər Şurasında qalacaq

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib