Daşkənd Oriental Universitetində Xaqani Şirvani auditoriyası açılıb
Far.Az xəbər saytı

Daşkənd Oriental Universitetində Xaqani Şirvani auditoriyası açılıb


Daşkənd Oriental Universitetində Xaqani Şirvani adına Türkologiya Tədqiqatları Auditoriyası açılıb.

"Far.Az" xəbər verir ki, auditoriya Özbəkistandakı Heydər Əliyev adına Azərbaycan Mədəniyyət Mərkəzinin təşəbbüsü və Daşkənd Oriental Universiteti ilə əməkdaşlığı çərçivəsində ərsəyə gətirilib.

Auditoriyanın vizual tərtibatında Azərbaycan və Özbəkistan arasındakı dostluğu simvolizə edən prezident portretləri, dövlət bayraqları, Azərbaycanın xəritəsi, gerbi və himninin bədii təqdimatı xüsusi konseptual əhəmiyyət daşıyır.

Auditoriyada Xaqani Şirvaninin portreti və yaradıcılığını tanıdan məlumatlar, görkəmli ədəbiyyat və mədəniyyət xadimlərinin fotoları, eləcə də Azərbaycan mədəni irsinin incəliklərini ifadə edən xalça və kəlağayı nümunələri nümayiş etdirilir.

Kitab rəflərində Azərbaycan ədəbiyyatı, tarixi, musiqisi və humanitar əlaqələrinə dair geniş tematik spektri əhatə edən nəşrlər, auditoriyada isə Azərbaycan mədəniyyətini simvolizə edən dekorativ-tətbiqi sənət nümunələri və xatirə suvenirlər, həmçinin tar, kamança və qaval kimi milli musiqi alətləri yer alıb.

Xatırladaq ki, Prezident İlham Əliyev "Böyük Azərbaycan şairi Xaqani Şirvaninin 900 illik yubileyinin qeyd edilməsi haqqında" Sərəncam imzalayıb.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub
Hər kəs üçün təhsil: İnklüzivliyə dair ilk üçdilli kitab təqdim olundu
"Kağız gətir - kitab apar" sosial-ekoloji layihəsinə start verildi
İlham Əliyev Lənkəran Dövlət Peşə Təhsil Mərkəzinin açılışında iştirak edib
Heydər Əliyev Mərkəzində "Vəhşi təbiətin super qəhrəmanları" sərgisi açılıb

Ən son xəbərləri bizim

"Facebook" səhifəmizdə izləyin

Digər xəbərlər