Mənzil təminatı HİV-lə bağlı ölüm riskini azalda bilər.

BAKU.WS "Report"a istinadən xəbər verir ki, bunu "Fast Track Health, IAPAC və Fast-Track Cities İnstitut"un Prezidenti və Baş icraçı direktoru (CEO) Jose Zuniga Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Azərbaycan: Sağlam Evlərin Nəbzi" adlı tədbirdə bildirib.

"Bu çərçivəni mənzil təminatı sahəsinə keçirməyə çalışarkən əsas prinsip budur ki, sağlam ev həm də sağlam məhəllə, sağlam icma deməkdir. Bu baxımdan, biz bu sahəyə cəlb olunmaqdan həqiqətən çox məmnunuq, çünki daha geniş mənada biz artıq uzun müddətdir ki, bu işin içindəyik. Reallıq budur ki, biz 11 il əvvəl HİV sahəsində bu işə başlayanda məlumatlara baxdıq və gördük ki, HİV ilə yaşayan, lakin mənzil şəraiti qeyri-qənaətbəxş olan və ya evsiz qalan insanlar arasında QİÇS-lə bağlı ölüm halları ikirəqəmli faiz bəndi daha yüksəkdir. Əgər siz bu insanları mənzillə təmin edə bilsəniz və onların müalicəyə davamlı şəkildə sadiq qalmaları üçün lazımi sabitliyi yaratsanız və (ən vacibi) ehtiyac duyulan sığınacağı təmin etsəniz, uğur qazanıldığını görərsiniz. Əlbəttə, mən bu barədə daha ətraflı da danışa bilərdim, lakin "Sürətli Fəaliyyət Şəhərləri"ni uğurlu edən əsas elementlər, işimizin mərkəzində bərabərliyin (ədalətin) dayanmasını təmin etməklə yanaşı, məhz bunlardır", - deyə o qeyd edib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2