5 iyun – Ümumdünya Ətraf Mühit Günü (WED) çərçivəsində Ekologiya və Təbii Sərvətlər Nazirliyinin təşkilatçılığı ilə Müşfiqabad qəsəbəsində ağacəkmə aksiyası keçirilib.

"Far.Az" xəbər verir ki, bu barədə nazirlik məlumat yayıb.

Aksiyada ekologiya və təbii sərvətlər naziri Rəşad İsmayılov, BMT-nin Ətraf Mühit Proqramının (UNEP) icraçı direktoru İnger Andersen, BMT-nin Azərbaycandakı Rezident Əlaqələndiricisi vəzifəsini icra edən, BMT-nin Ərzaq və Kənd Təsərrüfatı Təşkilatının (FAO) Azərbaycandakı nümayəndəsi Muhammad Nasar Hayat, Azərbaycanın Keniyadakı səfiri Sultan Hacıyev, Nazirliyin rəsmiləri, UNEP nümayəndələri və ekokönüllülər iştirak ediblər.

Tədbir çərçivəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

Aksiyanın məqsədi Ümumdünya Ətraf Mühit Gününün əhəmiyyətini vurğulamaq, Azərbaycanın ətraf mühitin mühafizəsi, yaşıllaşdırma və iqlim dəyişiklikləri ilə mübarizə sahəsində həyata keçirdiyi təşəbbüsləri diqqətə çatdırmaq, eyni zamanda cəmiyyətdə ekoloji məsuliyyətin və təbiətə qayğı mədəniyyətinin təşviqidir.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Bakıda Azərbaycan səhiyyəsi üçün önəmli tədbir keçirilib

20 Sentyabr - Neftçilər Günü münasibətilə tədbir keçirilib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

"SOCAR Midstream" ağacəkmə aksiyası keçirib