Vüsal Hüseynov və Mohammed Abdiker miqrasiya sahəsində əməkdaşlığı müzakirə edib
Far.Az xəbər saytı

Vüsal Hüseynov və Mohammed Abdiker miqrasiya sahəsində əməkdaşlığı müzakirə edib


Dövlət Miqrasiya Xidmətinin (DMX) rəisi, II dərəcəli dövlət miqrasiya xidməti müşaviri Vüsal Hüseynov Azərbaycanda səfərdə olan Beynəlxalq Miqrasiya Təşkilatının (BMqT) aparat rəhbəri Mohammed Abdiker ilə miqrasiya sahəsində əməkdaşlığı müzakirə edib.

Bu barədə "Report"a DMX-dən məlumat verilib.

Bildirilib ki, Xidmət rəisi BMqT ilə Dövlət Miqrasiya Xidməti arasında formalaşmış səmərəli əməkdaşlığı vurğulayaraq, Xidmət tərəfindən ötən dövr ərzində həyata keçirilən və miqrasiya idarəçiliyinin effektivliyinin artırılmasına, innovativ yanaşmaların tətbiqinə yönələn layihələr, xüsusilə də Yüksək İxtisaslı Miqrant Portalı barədə məlumat verib.

Vüsal Hüseynov həmçinin Azərbaycanın İkinci Beynəlxalq Miqrasiya İcmalı Forumunda iştirakının və Ümumdünya Şəhərsalma Forumunun 13-cü sessiyası çərçivəsində BMqT ilə birgə təşkil olunan panel müzakirələrinin önəmindən bəhs edib.

BMqT-nin aparat rəhbəri Mohammed Abdiker miqrasiya sahəsində birgə əməkdaşlığın vacibliyini qeyd edərək mövcud münasibətlərin gələcəkdə daha da inkişaf etdirilməsi üçün qarşılıqlı səylərin davam etdirilməsinin əhəmiyyətini diqqətə çatdırıb.

Görüşün sonunda hazırkı əməkdaşlıq çərçivəsində əldə olunan nəticələr, qarşılıqlı maraq doğuran digər məsələlər və gələcək əməkdaşlıq istiqamətləri üzrə fikir mübadiləsi aparılıb.

Oxşar xəbərlər

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib
Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib
Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib
İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ
Samir Şərifov beynəlxalq forumda Zəngəzur Dəhlizinin strateji önəmindən bəhs edib

Ən son xəbərləri bizim

"Facebook" səhifəmizdə izləyin

Digər xəbərlər