Ələt Azad İqtisadi Zonada məlumat mərkəzinin tikintisinə dair danışıqlar başa çatır
Azərbaycan Ələt Azad İqtisadi Zonada məlumat mərkəzinin tikintisinə dair danışıqları başa çatdırmaq üzrədir.
"Far.Az" xəbər verir ki, bunu rəqəmsal inkişaf və nəqliyyat nazirinin müavini Rəşad Həsənov Bakıda keçirilən II Azərbaycan Beynəlxalq İnvestisiya Forumunda (2nd Azerbaijan International Investment Forum – AIIF 2026) bildirib.
Onun sözlərinə görə, ölkə yüksək məhsuldarlıqlı hesablama gücü yaratmalıdır: "Hesablama etibarlı enerji, rabitə və fiziki məkan tələb edir və inanırıq ki, Azərbaycan bu üçünə də malikdir. Azərbaycan Avropa ilə Asiya arasında strateji mövqedə yerləşir. Ölkə üzrə fiber-optik rabitə şəbəkəsi mövcuddur ki, məncə, dünyada yalnız bir ovuc ölkə bununla fəxr edə bilər, həmçinin bu gün ən mühüm resurslardan biri olan təxminən iki giqavat artıq enerji gücü var. Bu ambisiya reallığa çevrilir".
R. Həsənov bildirib ki, bir çox dövlət xidmətləri rəqəmsallaşdırılıb və ya rəqəmsallaşdırılma yolundadır: "Dövlət qurumları Rəqəmsal İnkişaf və Nəqliyyat Nazirliyi ilə birlikdə öz rəqəmsallaşdırma yol xəritələrini qəbul edirlər və biz birlikdə onlara bu planların icrasında kömək edirik. Dövlət qurumları həmçinin 2027-ci ilin sonuna qədər tamamlanması nəzərdə tutulan dövlət buluduna - G-Cloud-a keçirlər".
O hesab edir ki, bu, dövlət informasiya sistemlərinin dayanıqlığının təmin edilməsi istiqamətində mühüm addımdır: "Süni intellekt haqqında müzakirələrdən onun tətbiqinə keçsək, artıq dövlət qurumlarında fəaliyyət göstərən süni intellekt istifadə nümunələrimiz var. Söhbət təhsil sistemində tələbə köməkçisindən, süni intellektə əsaslanan kibertəhlükəsizlik mərkəzindən, kənd təsərrüfatında bitki xəstəliklərinin proqnozlaşdırılmasından və vətəndaş sorğularına cavab verən MyGov süni intellekt köməkçisindən gedir".
Oxşar xəbərlər
"Sabah Investment Group", "Reportage Group" və "Elie Saab"dan Azərbaycada ilk brend yaşayış layihəsi:"Panorama by Elie Saab"
Bakı–Ələt–Qazax magistralının sonuncu hissəsinin genişləndirilməsi yekunlaşmaq üzrədir
Bakıda tanınmış şirkət bahalı maşınlarını ucuz qiymətə satışa çıxardı - SİYAHI
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır
Ən son xəbərləri bizim
"Facebook" səhifəmizdə izləyin
Digər xəbərlər
-
Əraqçi: İran zənginləşdirilmiş uranı ölkədən çıxarmaq niyyətində deyil
-
ABŞ İranın 4 vətəndaşını sanksiya siyahısına salıb
-
Tramp Nvidia-nın keçmiş rəhbəri Censen Huanqa ikinci şans verməyə çağırıb
-
Alyona Əliyeva "Heydər Əliyev və Azərbaycan tarixi" X ümumrespublika bilik yarışından paylaşım edib
-
Fransa Senatı polisin silah tətbiqinə dair qanun layihəsini təsdiqləyib
-
İsrail ordusu ən yüksək döyüş hazırlığı vəziyyətinə gətirildi: Yeni hücum gözlənilir













