ABŞ ordusunun Moxave səhrasında keçirdiyi təlimlərdə bəlli olub ki, yeni pilotsuz uçuş aparatları (PUA) və rabitə sistemləri isti havada istifadəyə yararsızdır.

"Report" xəbər verir ki, bu barədə "The Wall Street Journal" (WSJ) qəzetinin materialında deyilir.

Qeyd olunub ki, "Fort-İrvin" bazasındakı 10 günlük təlimlər iyul ayında keçirilib. Bu zaman səhrada havanın temperaturu +43°C-yə yaxınlaşıb, bu səbəbdən serverlər həddindən artıq qızıb, PUA-ların akkumulyatorları isə boşalıb və onları yenidən enerji ilə doldurmaq mümkün olmayıb.

Nəşrin məlumatına görə, isti hava səbəbindən "Anduril" PUA-larından birini yerə endirməli olublar, "Theiss UAV Solutions" dronunun buraxılışı isə təxminən 10 dəqiqə çəkib.

Həmçinin dronlar güclü külək həmlələrinə qarşı davamsız olub, dağ silsilələrinin arxasında uçuşlar zamanı isə operatorlarla əlaqə itirib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

FHN WUF13-ə hazırlıq çərçivəsində otellərdə təlimlər keçirib

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

Prezident İlham Əliyev Bakı Enerji Həftəsinin rəsmi açılış mərasimində iştirak edib

"Qarabağ KOB-ları" layihəsi - şəhid ailələrinin, qazilərin məşğulluğuna və biznes təşəbbüslərinə dəstək