ABŞ hərbçiləri davam edən dəniz blokadası çərçivəsində İranın 25 milyard dollarlıq xam neft ixracının qarşısını alıb.

"Far.Az"un məlumatına görə, ABŞ Silahlı Qüvvələrinin Mərkəzi Komandanlığının (CENTCOM) rəhbəri admiral Bredli Kuper bunu CENTCOM-un "X" hesabında yerləşdirilən videomüraciətində ​​açıqlayıb.

"Hazırda İranın azı 25 milyard dollarlıq xam neft ixracının qarşısını aldıq, həmçinin ABŞ-nin təxminən 350 milyon dollarlıq kriptovalyuta aktivlərini dondurmaq üçün qurumlararası səylərini dəstəklədik", - o bildirib.

Admiralın sözlərinə görə, bu, Tehranın silahlı qrupları maliyyələşdirmək və ABŞ hərbi kampaniyası zamanı məhv edilmiş silah ehtiyatlarını, hərbi infrastrukturun bərpası imkanlarını daha da məhdudlaşdırıb.

CENTCOM rəhbəri vurğulayıb ki, ABŞ hərbçiləri digər dövlət qurumları ilə sıx koordinasiyada Tehrana üç əsas sahədə ciddi zərbə vurub: neft ixracı, rəqəmsal maliyyə əməliyyatları və təhlükəsizlik qüvvələrinə ödənişlər.

"Əks halda, bu vəsait İran tərəfindən dəstəklənən qruplaşmaları və cinayətkar şəbəkələri maliyyələşdirmək, eləcə də Amerika qüvvələrinə və ABŞ-nin regional müttəfiqlərinə qarşı hücumlar təşkil etmək üçün istifadə olunardı", - admiral deyib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

İlham Əliyev Xocavəndin Xanoba kəndində fərdi evlər və infrastrukturun bərpası işləri ilə tanış olub - YENİLƏNİB

İlham Əliyev Xocavəndin Xanoba kəndində fərdi evlər və infrastrukturun bərpası işləri ilə tanış olub