Çin Yaxın Şərq və Afrikada hərbi münaqişələrin həllinə, eləcə də regional təhlükəsizlik və sabitliyin möhkəmləndirilməsinə kömək etməyə hazırdır.

"Far.Az" Çin Xarici İşlər Nazirliyinə (XİN) istinadən xəbər verir ki, bu barədə ölkənin xarici işlər naziri Van Yi oktyabrın 21-də Pekində cibutili həmkarı Abdulkader Hüseyn Omarla görüşündə bildirib.

"Yaxın Şərqdəki hərbi əməliyyatlar Afrika Buynuzu regionuna və Qırmızı dəniz bölgəsinə yayılmaqda davam edir, köhnə ziddiyyətlər kəskinləşir və yeniləri yaranır. Qırmızı dəniz və Ədən körfəzində gəmiçiliyin təhlükəsizliyi yeni təhdidlərlə üzləşir", - Çin diplomatiyasının rəhbəri qeyd edib.

Onun sözlərinə görə, Pekin Cibuti və digər dövlətlərlə birlikdə qarşılıqlı fəaliyyət, əməkdaşlığı gücləndirməyə, gərginliyi azaltmaq üçün səylər göstərməyə, regionda sülh və sabitliyi təmin etmək üçün konkret addımlar atmağa hazırdır.

Van Yi vurğulayıb ki, Çin və Cibuti əsas beynəlxalq və regional məsələlərdə oxşar mövqelərdən çıxış edirlər. Hər iki ölkə çoxtərəfli yanaşmanın, dövlətlərin daxili işlərinə qarışmamaq prinsipinə əməl olunmasının və Qlobal Cənub ölkələrinin rolunun gücləndirilməsinin tərəfdarıdır.

Nazir həmçinin Çin Xalq Respublikasının sədri Si Cinpinin Yaxın Şərqdə sülh və təhlükəsizliyin təmin edilməsinə yönəlmiş təşəbbüslərini xatırladıb.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev Türküstanda TDT-nin qeyri-rəsmi Zirvə görüşündə iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib