Misli Premyer Liqasında XI tura və I dövrəyə bu gün yekun vurulacaq.

BAKU.WS xəbər verir ki, sonuncu oyun günündə daha iki matç keçiriləcək.

İlk olaraq "Sumqayıt" "İmişli"nin qonağı olacaq. Yevlax şəhər stadionundakı qarşılaşma saat 15:00-da start götürəcək. Meydan sahibləri 10 xalla səkkizinci, "gənclik şəhəri" təmsilçisi 9 xalla doqquzuncu pillədə qərarlaşıb.

Tura "Sabah" - "Şamaxı" görüşü ilə yekun vurulacaq. Oyun saat 17:30-da başlayacaq. Ehtiyatda daha bir matçı olan paytaxt klubu 20 xalla üçüncü, qonaqlar 13 xalla yeddinci yerdədir.

Peşəkar Futbol Liqasının qərarı ilə XI tur "Zəfər turu" adlanıb.

Misli Premyer Liqası

I dövrə XI tur

8 noyabr

15:00. "İmişli" – "Sumqayıt"

Hakimlər: Əkbər Əhmədov, Akif Əmirəli, Müslüm Əliyev, Namiq Bəkirov.

VAR: Cavid Cəlilov.

AVAR: Pərvin Talıbov.

Hakim-inspektor: Əmrah İbrahimov.

AFFA nümayəndəsi: Azər Əsgərov.

Yevlax şəhər stadionu

17:30. "Sabah" – "Şamaxı"

Hakimlər: Kamal Umudlu, Namiq Hüseynov, Vüsal Məmmədov, Nicat İsmayıllı.

VAR: Rəvan Həmzəzadə.

AVAR: Eyyub İbrahimov.

Hakim-inspektor: Munis Abdullayev.

AFFA nümayəndəsi: Elçin Məmmədov.

"Sabah Arena"

Xatırladaq ki, turun əvvəli oyunlarında "Turan Tovuz" "Qarabağ"ı, "Neftçi" "Kəpəz"i (hər ikisi 1:0), "Zirə" "Qəbələ"ni (2:1) məğlub edib. "Şəfa" - "Araz-Naxçıvan" oyununda isə qalib müəyyənləşməyib - 2:2.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Baku TV-nin "Rəqəmsal Media Məktəbi"ndə doqquzuncu qrup məzunlarına sertifikatlar təqdim olunub

Polis Günündə də post başında – Bakının küçələrindən diqqətçəkən FOTOLAR

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR