Mişustin “Şimal-Cənub” dəhlizi üzrə Azərbaycanla daşımalar haqqında sazişi dəstəkləyib
Far.Az xəbər saytı

Mişustin “Şimal-Cənub” dəhlizi üzrə Azərbaycanla daşımalar haqqında sazişi dəstəkləyib


Rusiya hökuməti Moskva və Bakı arasında “Şimal-Cənub” Beynəlxalq Nəqliyyat Dəhlizi (BND) üzrə tranzit yük daşımalarının birgə inkişafı haqqında saziş layihəsini təsdiqləyib.

“Far.Az” xəbər verir ki, bu barədə Rusiya Baş naziri Mixail Mişustin sərəncam imzalayıb.

Sənəddə qeyd olunub ki, sazişin məqsədi nəqliyyat əlaqələrinin səmərəliliyinin yüksəldilməsi və “Şimal-Cənub” BND-nin qərb marşrutunun potensialının artırılmasıdır.

Rusiya və Azərbaycan öz ərazilərində tranzit daşımalar zamanı yüklərin sərbəst hərəkətini sənədin tələbləri və iki ölkənin qanunvericiliyi nəzərə alınmaqla təmin edəcəklər. Gömrük nəzarəti qaydaları həm qanunvericiliyə uyğun razılaşmaya, həm də Moskva və Bakının iştirak etdiyi beynəlxalq müqavilələrə əsaslanacaq.

Sənəddə həmçinin dəmir yolu infrastrukturunun yenilənməsindən sonra hər il Rusiyadan Azərbaycana daşınmalı olan yüklərin zəmanətli həcmi müəyyən edilir. 2028-ci il yanvarın 1-dən bu həcm minimum 5 milyon ton təşkil edəcək, müvafiq qərar qəbul edildikdən sonra isə hər il 15 milyon tona qədər artacaq.

Əgər Rusiya il ərzində bəyan edilmiş yük həcmini daşımasa, Rusiya Dəmir Yolları “Azərbaycan Dəmir Yolları” QSC-yə kompensasiya ödəməli olacaq. Əgər Bakı lazımi həcmdə yükü qəbul etməkdən imtina edərsə, ödənişi Rusiya şirkəti alacaq.

Oxşar xəbərlər

Neft sisternlərindən transkontinental qatarlara: Azərbaycan dəmir yollarının inkişaf yolu və nailiyyətləri
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Biznes məqsədli avtomobillərin idxalında beynəlxalq təcrübə: Azərbaycanda mövcud vəziyyət - ARAŞDIRMA
Bakıda COP29-un Liderlər Sammitinin açılış mərasimi keçirilib - YENİLƏNİB-2
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Ən son xəbərləri bizim

"Facebook" səhifəmizdə izləyin

Digər xəbərlər