Azərbaycanın daimi nümayəndəsi BMT Baş katibini mina çirklənməsi probleminə diqqət yetirməyə çağırıb
Azərbaycanın BMT yanında daimi nümayəndəsi Yaşar Əliyev BMT Baş katibi Antoniu Quterreşi mülki əhaliyə təhlükə yaradan, regionların bərpasını ləngidən və məcburi köçkünlərin doğma torpaqlarına qayıtmasına mane olan genişmiqyaslı mina çirklənməsi probleminə diqqət yetirməyə çağırıb.
“Far.Az” xəbər verir ki, bunu diplomat dünya təşkilatının başçısına ünvanladığı 12 dekabr 2024-cü il tarixli bildirib.
Yaşar Əliyev qeyd edib ki, Azərbaycan erməni işğalının onilliklərlə davam edən nəticələri ilə üzləşir. Azad edilmiş ərazilərdə mülki şəxslər, hərbçilər, sülhməramlılar və humanitar işçilər üçün təhlükə yaradan 1,5 milyondan çox mina və digər partlayıcı qurğular aşkar edilib.
“Ermənistanın hərbi təcavüzü nəticəsində on minlərlə Azərbaycan vətəndaşı həlak olub, 700 mindən çox insan öz evlərini tərk etməyə məcbur qalıb və ölkənin suveren ərazisinin böyük bir hissəsi təxminən 30 il ərzində qanunsuz işğal altında qalıb”, – diplomat müraciətində bildirib.
Azərbaycan tərəfinin məlumatına görə, münaqişə dövründə 359 uşaq və 38 qadın olmaqla 3 461 ölkə vətəndaşı minalardan zərər çəkib. Münaqişə başa çatdıqdan sonra mina qurbanlarının sayı 382 nəfər təşkil edib ki, onlardan 70 nəfəri həlak olub, 312 nəfəri isə ağır yaralanıb. Mina çirklənməsi problemi infrastrukturun bərpası layihələrinin həyata keçirilməsini və təxminən 700 min məcburi köçkünün qayıdışını çətinləşdirir.
Y.Əliyevin sözlərinə görə, minalar təkcə keçmiş cəbhə xəttinin yaxınlığında deyil, həm də yaşayış məntəqələrində, qəbiristanlıqlarda və mədəni obyektlərdə yerləşdirilib ki, bu da dinc əhaliyə maksimum ziyan vurur. O vurğulayıb ki, Ermənistanın mina xəritələrini təqdim etməkdən imtina etməsi beynəlxalq humanitar hüquq normalarına, o cümlədən yaşamaq və sərbəst hərəkət etmək hüququna ziddir.
Azərbaycan humanitar minatəmizləməni Milli Dayanıqlı İnkişaf Məqsədləri sırasına daxil edərək onu 18-ci məqsəd kimi müəyyən edib. Diplomat beynəlxalq ictimaiyyəti dinc əhalinin təhlükəsizliyini və azad edilmiş ərazilərin dayanıqlı inkişafını təmin etmək üçün Ermənistana mina sahələri barədə tam məlumat verməsi üçün təzyiqləri artırmağa çağırıb.
Xatırladaq ki, dekabrın 20-də Yaşar Teymur oğlu Əliyev Azərbaycanın Birləşmiş Millətlər Təşkilatı yanında daimi nümayəndəsi vəzifəsindən geri çağırılmışdı.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Bakıda COP29-un Liderlər Sammitinin açılış mərasimi keçirilib - YENİLƏNİB-2
Səbinə Salmanova: Qərbi azərbaycanlıların öz doğma yurd-yuvalarına qayıdışı tarixi bir zərurətdir - MÜSAHİBƏ
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
"Anthropic"in səhmləri "Nasdaq"da ticarətin ilk günündə 17 % artıb
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
Əməkdar artist: Canlandırdığım obrazın daxili dünyasını daha dərindən anlamağa çalışdım













