Özbəkistanın Baş naziri və XİN başçısı təyyarə qəzası ilə bağlı Azərbaycana başsağlığı verib
Far.Az xəbər saytı

Özbəkistanın Baş naziri və XİN başçısı təyyarə qəzası ilə bağlı Azərbaycana başsağlığı verib


Özbəkistanın Baş naziri Abdulla Aripov dekabrın 27-də Daşkənddəki Azərbaycan səfirliyinə gələrək Qazaxıstanın Aktau şəhəri yaxınlığında "Azərbaycan Hava Yolları"na (AZAL) məxsus təyyarənin qəzaya uğraması ilə əlaqədar xalqımıza başsağlığı verib.

“Far.Az” xəbər verir ki, bu barədə Özbəkistan KİV-ləri məlumat yayıb.

Baş nazir, həmçinin xatirə kitabında qeyd qoyub.

KİV-in məlumatına görə, Azərbaycan səfirliyini, həmçinin Özbəkistanın xarici işlər naziri Baxtiyor Saidov da ziyarət edib. Qeyd edilib ki, o, dərin hüznlə başsağlığı verib və xatirə kitabına qeyd qoyub.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Qazaxıstanlılar Aktau yaxınlığındakı faciə ilə əlaqədar Azərbaycana dəstək olmağa davam edirlər
Qırğızıstanın Baş naziri Azərbaycan səfirliyində xatirə kitabına ürək sözlərini yazıb
Azərbaycanla Özbəkistan arasında 12 sənəd imzalanıb - YENİLƏNİB
Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ

Ən son xəbərləri bizim

"Facebook" səhifəmizdə izləyin

Digər xəbərlər