Belarus Prezidenti Aleksandr Lukaşenko iş gününün necə başladığı barədə danışıb.

Onun sözləri "Pervıy Pul" teleqram kanalında paylaşılıb.

Dövlət başçısı bildirib ki, iş gününə səhər saat 07:00-dan sonra başlayır (Bakı vaxtı 08:00-da).

Lukaşenko etiraf edib ki, səhər oyanan kimi ilk olaraq televizoru açır, lakin baxmağa maraqlı heç nə olmadığından gileylənib:

"Bütün kanallarınız, filmlər, üçüncü kanal – çox diqqətlə izləyirəm. Baxacaq heç nə yoxdur, hər şey köhnədir," – deyə o vurğulayıb.

Prezident qeyd edib ki, bu gün 1986-cı ildə rejissor Mixail Ptaşuk tərəfindən çəkilmiş "Bədbəxtlik əlaməti" filmini izləyib. Onun sözlərinə görə, bu yaxşı filmdir, lakin yalnız öz dövrü üçün aktual olub.

"Həmişə şikayətlənirik: səhnələr uzadılıb, dinamika yoxdur və s. O zamanlar müharibədən sonrakı 50-ci illər – ağrı, ürək dağılırdı bu səhnələrlə. O dövrdə bu təsirli idi. İndi isə milyonlarla kanal var: tıkladın – başqa kanala keçdin," – deyə Lukaşenko bildirib.

O əlavə edib ki, "Belarusfilm"in yaxşı bir keçmişi var, lakin müasir reallıqlara uyğunlaşmaq lazımdır – necə ki, bunu Rusiya edir.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Əfv Sərəncamı imzalayıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib