Azadlıq Cəbhəsi: Fransanın xalqın tələblərini boğan dövlət repressiyası müstəmləkə məntiqinin bir hissəsidir
Fransa Müstəmləkələrinin Azadlıq Cəbhəsi rəsmi Parisin müstəmləkə zorakılığını pisləyib.
"Far.Az" xəbər verir ki, Fransa Müstəmləkələrinin Azadlıq Cəbhəsi Sent-Lui qəsəbəsindən olan iki gənc kanakın öldürülməsini Kanakidəki vəziyyətin faciəvi təsviri kimi qiymətləndərib:
Bəyanatda qeyd olunub ki, Fransa dövləti Numea və Matinyon müqavilələrindəki vədlərə xəyanət edərək asayişi qorumaq bəhanəsi ilə müstəmləkə rejimini saxlamaqda israr edir:
"Müstəmləkə altında olan çoxsaylı yerli xalqların problemlərini zorakı üsullarla həllinə üstünlük verir. Bu gün burada hədəf öz müqəddəratını təyin etmək hüququndan inadla məhrum edilmiş və dekolonizasiya olunmamış xalqdır.
Bu sistemli və institusional zorakılığa qarşı beynəlxalq ictimaiyyət səssiz qala bilməz. Fransaya təzyiq göstərmək, beynəlxalq hüquq standartlarına hörmət etməsi tələbini qoymaq və onun repressiv qüvvələrinin törətdiyi repressiyalara dərhal son qoymasını tələb etmək beynəlxalq ictimaiyyətin borcudur.
Martinikdə mənzərə ürəkaçan deyil. Martinik xalqının iqtisadi və sosial ədalət haqları vəhşicəsinə basdırılır. Xalqın tələblərini boğmağa yönəlmiş bu dövlət repressiyası müstəmləkə məntiqinin bir hissəsidir. Biz bunu şiddəqtlə pisləyirik.
Beynəlxalq Azadlıq Cəbhəsi Kanakidə, Martinikdə və bütün dünyada müstəmləkəçiliyin bütün qurbanlarına sarsılmaz dəstəyini ifadə edir. Bizim mübarizəmiz ədalət, azadlıq, qurtuluş və xalqımızın ləyaqəti uğrunda mübarizədir. Biz mübarizəmizə müstəmləkəçilik qəti şəkildə aradan qaldırılana və xalqlarımız nəhayət azad, sülh və suverenlik içində çiçəklənənə qədər sadiq qalacağıq".
Bəyanata Fransa müstəmləkəsi altında olan ərazilərdəki 17 siyasi hərəkat qoşulub.
Xatırladaq ki, bu ilin iyul ayında Fransa koloniyalarında müstəqillik uğrunda mübarizə aparan siyasi partiya və hərəkatların rəhbərləri Bakıda Birinci Qurultaylarını keçirərək Fransa Koloniyalarının Azadlıq Cəbhəsini yaradıblar.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Zorakılıq qurbanlarını necə mühafizə edək? - ARAŞDIRMA
Niderland Boneyra adası ilə bağlı müstəmləkə siyasətindən əl çəkməlidir - BƏYANAT
Müstəmləkəçiliyə qarşı əzmli mübarizə: Bakıda Boneyra adası ilə bağlı keçirilən tədbirin mahiyyəti - ŞƏRH
Fransa Koloniyalarının Azadlıq Cəbhəsi rəsmi Parisin Azərbaycana səyahət xəbərdarlığına etiraz edib
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
"Anthropic"in səhmləri "Nasdaq"da ticarətin ilk günündə 17 % artıb
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Uitkoff Berlində Avropa liderləri ilə görüşü məhsuldar adlandırıb
-
"DOST to DOST" layihəsi çərçivəsində könüllülərin İsmayıllıya infoturu təşkil olunub













