Məhəmməd Əbdülsalam Qazaxıstanın Bakı ilə İrəvan arasındakı sülh prosesinə töhfəsini qeyd edib
Far.Az xəbər saytı

Məhəmməd Əbdülsalam Qazaxıstanın Bakı ilə İrəvan arasındakı sülh prosesinə töhfəsini qeyd edib


Müsəlman Ağsaqqalları Şurasının Baş Katibi Məhəmməd Əbdülsalam Qazaxıstanın Azərbaycanla Ermənistan arasında münasibətlərin normallaşdırılması istiqamətindəki səylərini yüksək qiymətləndirib.

"Far.Az" Akordaya istinadən xəbər verir ki, bu barədə Baş katib Qazaxıstan Prezidenti Kasım-Jomart Tokayevlə görüşdə bildirib.

Görüşdə Prezident Tokayev vurğulayıb ki, "Zayed İnsan Qardaşlığı Mükafatı" birlik və məsuliyyət ideallarının bərqərar olmasına xidmət edən ən nüfuzlu beynəlxalq mükafatlardan biri sayılır.

O, həmçinin mükafatın qlobal dialoq və əməkdaşlığın inkişafına töhfəsini qeyd edib.

"Öz növbəsində Məhəmməd Əbdülsalam Astanada keçirilən dünya və ənənəvi din liderlərinin qurultaylarının işində fəal iştirakını davam etdirmək niyyətini təsdiqləyib. Baş katib, liderləri bu il "Zayed İnsan Qardaşlığı Mükafatı" mükafatının laureatları olan Azərbaycan və Ermənistan arasında Qazaxıstanın sülh nizamlanması işində səylərini yüksək qiymətləndirib", - Qazaxıstan liderinin mətbuat xidmətinin məlumatında bildirilib.

Bundan əlavə, Kasım-Jomart Tokayev dinlərarası dialoqun inkişafına və humanitar dəyərlərin bərqərar olmasına verdiyi mühüm töhfəyə görə Məhəmməd Əbdülsalamın 1-ci dərəcəli "Dostluq" ordeni ilə təltif edilməsi haqqında fərman imzalayıb.

Oxşar xəbərlər

İlham Əliyevə "Zayed İnsan Qardaşlığı Mükafatı" təqdim olunub
İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib
İlham Əliyev "Zayed İnsan Qardaşlığı Mükafatı" ilə bağlı nümayəndə heyətini qəbul edib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ən son xəbərləri bizim

"Facebook" səhifəmizdə izləyin

Digər xəbərlər