Beynəlxalq Valyuta Fondunun (IMF) proqnozlarına görə, 2026-cı ildə Azərbaycanda investisiya qoyuluşu ÜDM-in 16,3 %-ni təşkil edəcək.

Bu barədə "Far.Az" IMF-in hesabatına istinadən xəbər verir.

"Ötən il karbohidrogen hasilatının həcmi əhəmiyyətli dərəcədə azalıb, qeyri-neft-qaz sektorunda artım isə karbohidrogen qiymətlərinin enməsinin dolayı təsirləri və əvvəlki yüksək səviyyələrdən sonra investisiyaların normallaşması fonunda ləngiyib", - IMF-in Azərbaycan üzrə missiya rəhbəri Anna Bordon 2026-cı il fevralın 4-17 tarixlərində Bakıya səfərinin yekunlarına dair bildirib.

Fondun məlumatına görə, 2025-ci ildə ümumi investisiyaların həcmi 2024-cü ildəki 16,8 %-lə müqayisədə azalaraq ÜDM-in 15,7 %-ə enib.

IMF-in gözləntilərinə əsasən, 2026-cı ildən başlayaraq kapital qoyuluşlarının artım tempi yenidən bərpa olunacaq. 2027-ci ildə onların ÜDM-də payı 16,4 %, 2028-ci ildə 16,5 %, 2029-cu ildə 16 %, 2030-cu ildə 15,3 % təşkil edəcək və 2031-ci ildə bu səviyyədə qalacaq.

2026-cı ildə ölkə iqtisadiyyatına qoyulan dövlət investisiyalarının payının ÜDM-in 10,9 %-i səviyyəsində olacağı gözlənilir. 2027-ci ildə bu göstərici 10,3 %-ə, 2028-ci ildə 9,8 %-ə, 2029-cu ildə 9,1 %-ə, 2030-cu ildə 8,4 %-ə, 2031-ci ildə isə 8,1 %-ə qədər azalacaq.

Öz növbəsində, 2026-cı ildə özəl investisiyaların ÜDM-in 5,4 %-i səviyyəsində olacağı proqnozlaşdırılır. 2027-ci ildə bu göstərici 6,1 %-ə (bunun 0,3 %-i neft sektorunun payına düşəcək), 2028-ci ildə 6,8 %-ə (0,5 %), 2029-cu ildə 6,9 %-ə (0,5 %) qədər artacaq və 2030-cu ildə bu səviyyədə qalacaq. 2031-ci ildə özəl investisiyaların payı 7,2 %-ə (0,4 %) qədər artacaq.

IMF-in missiya rəhbərinin fikrincə, iqtisadiyyatın şaxələndirilməsində özəl sektorun rolunun, o cümlədən birbaşa xarici investisiyaların cəlb edilməsi hesabına genişləndirilməsi özəl sektorun maliyyələşməyə çıxışını artırmaq üçün kapital bazarlarının dərinləşdirilməsini, insan kapitalına investisiya yatırmaqla əmək məhsuldarlığının artırılmasını, həmçinin əmək bazarında qeyri-rəsmi məşğulluğun azaldılmasına yönəlmiş islahatların davam etdirilməsini tələb edir.

Oxşar xəbərlər

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

Heydər Əliyev Fondunun dəstəyi ilə alınan musiqi alətlərinin təqdimatı olub

Anna Bordon: "Ortamüddətli perspektivdə Azərbaycanda iqtisadi artım templəri təxminən 2,5 % səviyyəsində sabitləşəcək"

Anna Bordon: "Azərbaycan bankları yaxşı kapitallaşmış və mənfəətli olaraq qalır"

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2