"Əməkhaqqı artımları ilə bağlı bir sıra sektorlarda artımlar həyata keçirilib. Xüsusən dövlət qulluqçularının vəzifə maaşlarında artım olub".

Bunu BAKU.WS-ə açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib.

Onun sözərinə görə, Nazirlər Kabineti digər kateqoriyadan olan, inzibati vəzifələrdə çalışan vətəndaşların maaşlarının artırılması ilə bağlı beş ay müddətində təkliflər hazırlayıb təsdiq etməlidir:

"Bu isə o deməkdir ki, həmin vətəndaşların da maaşlarında artımlar gözlənilir. Ümumilikdə sosial siyasət və sosial dəstək tədbirlərinin genişləndirilməsi Azərbaycanda hər zaman prioritet istiqamətlərdən biri olub və bu sahədə addımlar davam etdirilir. Bu baxımdan cənab Prezident tərəfindən imzalanmış fərmanla Nazirlər Kabinetinə müvafiq tapşırıqlar verilib. Nazirlər Kabineti tərəfindən qiymətləndirmə və maliyyə hesablamaları aparıldıqdan sonra həmin vətəndaşların maaşlarının artırılması gözlənilir.

Eyni zamanda, Prezident tərəfindən təsdiq edilən və Əmək Məcəlləsinə edilən dəyişikliklərə əsasən minimum əməkhaqqına ildə ən azı bir dəfə baxılması nəzərdə tutulur. Dəyişikliklərin fevral ayında təsdiq olunduğunu nəzərə alsaq, artıq bu ildən etibarən minimum əməkhaqqı hər il ən azı bir dəfə yenidən qiymətləndiriləcək və artırılacaq. Bu isə institusional və qanunvericilik bazasının möhkəmləndiyini göstərir və minimum əməkhaqqının daha mütəmadi artırılmasına imkan yaradır".

Orxan Hüseyn

Oxşar xəbərlər

Masazır əhalisinə ŞAD XƏBƏR - artıq YEKUNLAŞIR

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2