Anar Bağırov Moldovada Vəkil Günü tədbirlərində iştirak edib
Vəkillər Kollegiyasının sədri Anar Bağırovun rəhbərlik etdiyi nümayəndə heyəti Moldova Vəkillər Birliyinin dəvəti ilə Kişineu şəhərində səfərdədir.
Bu barədə "Report"a Vəkillər Kollegiyasından məlumat verilib.
Bildirilib ki, nümayəndə heyəti səfər çərçivəsində Vəkil Gününə həsr olunmuş "Təhlükəsizlik və müstəqillik: Vəkillər hakimiyyətdən sui-istifadəyə qarşı müdafiəçilər qismində" mövzusunda beynəlxalq konfransda iştirak edib.
Tədbirdə Moldova ədliyyə naziri, Moldova Prezidentinin Hüquq məsələləri üzrə köməkçisi, Avropa Vəkillər Kollegiyaları və Hüquq Cəmiyyətləri Şurasının (CCBE) vitse-prezidenti, müxtəlif ölkələrin vəkillər kollegiyaları, hüquq cəmiyyətlərinin rəhbərləri, eləcə də nüfuzlu beynəlxalq təşkilatların nümayəndələri, dövlət rəsmiləri və vətəndaş cəmiyyəti təmsilçiləri iştirak ediblər.
Açılış nitqi ilə çıxış edən Moldova Vəkillər Birliyinin prezidenti Anatolie Barbacar konfrans iştirakçılarını və qonaqları salamlayaraq tədbirin əhəmiyyətindən danışıb.
Tədbirin açılışında çıxış edən VK sədri Anar Bağırov Moldova Vəkillər Birliyini Vəkil Günü münasibətilə təbrik edib, birliyin rəhbərliyinə və üzvlərinə gələcək fəaliyyətlərində uğurlar arzulayıb. Vəkillərin peşə bayramının əhəmiyyətindən danışan sədr Azərbaycanda da Vəkil Gününün qeyd olunduğunu nəzərə çatdırıb.
Anar Bağırov çıxışında vəkillik fəaliyyətinin müstəqilliyinin əhəmiyyətinə toxunaraq, Azərbaycanda vəkillik institutunun inkişafı istiqamətində həyata keçirilən islahatlar barədə geniş məlumat verib.
Konfransın panel müzakirələri zamanı VK Aparatının Beynəlxalq əməkdaşlıq şöbəsinin müdiri Cavid Məmmədli "Azərbaycanda vəkillik fəaliyyətinin rəqəmsallaşdırılması" mövzusunda çıxış edib.
Səfər çərçivəsində VK nümayəndə heyəti ilə beynəlxalq təşkilatların və müxtəlif ölkələrin Vəkillər kollegiyalarının rəhbərləri arasında əməkdaşlıq əlaqələrinin genişləndirilməsi və təcrübə mübadiləsi istiqamətində görüşlər keçirilib, gələcək əməkdaşlığın perspektivləri barədə müzakirələr aparılıb.
Oxşar xəbərlər
Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
Prezident İlham Əliyev Bakı Enerji Həftəsinin rəsmi açılış mərasimində iştirak edib
Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib
Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib
Vətən müharibəsində Qələbənin beşinci ildönümünə həsr olunmuş Hərbi parad keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













