"SOCAR Downstream" Konqodakı NEZ-in modernləşdirilməsi üzrə qiymətləndirməyə başlayır
Azərbaycan Dövlət Neft Şirkətinin (SOCAR) strukturuna daxil olan "SOCAR Downstream" şirkəti Konqo Milli Neft Şirkəti (SNPC) üçün layihənin idarə edilməsi üzrə məsləhətçi (PMC) seçilib.
"Report" xəbər verir ki, bunu "SOCAR Downstream"in idarəedici direktoru Emil Alxaslı bildirib.
Bununla da Konqo Respublikasındakı CORAF neft emalı zavodunun (NEZ) genişmiqyaslı modernləşdirilməsi çərçivəsində Pre-FEED mərhələsi - ilkin layihələndirmə və məqsədəuyğunluğun qiymətləndirilməsi mərhələsi - rəsmən başlayır.
Bu layihə SOCAR və SNPC ("CORAF" NEZ-in sahibi) arasında tərəfdaşlıq əlaqələrinin dərinləşdirilməsi kontekstində həyata keçirilir.
"Texniki tərkib hissəsindən əlavə, bu əməkdaşlıq Azərbaycanla Konqo arasında əlaqələrin qurulması üçün bir vasitəyə çevrildi. Bu, müxtəlif mədəniyyətlərin anlaşılması, ortaq məqamların tapılması, sinerji və ümumi maraqların müəyyənləşdirilməsi yolu ilə həyata keçirilib", - E.Alxaslı vurğulayıb.
2024-cü il aprelin 4-də Bakıda SOCAR və SNPC "Congolaise de Raffinage" neft emalı zavodunun təkmilləşdirilməsi və genişləndirilməsi şərtləri haqqında Saziş" imzalayıb.
Bu sənədə əsasən, SOCAR-ın mütəxəssisləri istehsal güclərinin yenilənməsində SNPC-yə dəstəyin əsas istiqamətlərini müəyyən etmək üçün müəssisənin mövcud texniki vəziyyətinin təhlilinə cəlb edilirlər.
CORAF NEZ-in layihə gücü gündəlik 27 min barel neftə çatır, halbuki hazırda real emal həcmi təxminən gündəlik 20 min barel neft (bu da illik 1 milyon tondan az həcmə ekvivalentdir) təşkil edir. Müəssisədə istehsal olunan neft məhsullarının 50 %-dən çoxu Konqo Respublikasının daxili bazarının tələbatını ödəməyə yönəldilir.
Zavod ölkənin Atlantik sahilindəki Puent-Nuar sahilyanı şəhərində yerləşir. NEZ 1982-ci ilin dekabrından fəaliyyət göstərir və bu günə qədər dövlət ərazisində yeganə neft emalı müəssisəsi olaraq qalır. Konqo Respublikası 2018-ci ildən Neft İxrac Edən Ölkələr Təşkilatının (OPEC) üzvüdür və onun təsdiqlənmiş neft ehtiyatları 1,8 milyard barel səviyyəsində qiymətləndirilir.
2023-cü ildən başlayaraq Azərbaycan dövlət şirkətinin ticarət bölməsi – "SOCAR Trading" - beynəlxalq bazarlarda CORAF zavodunun neftinin və neft məhsullarının bir hissəsinin satışı ilə məşğul olur.
Oxşar xəbərlər
Leyla Əliyeva "Onlardan biri: Emil" adlı anım tədbirində iştirak edib
Prezident İlham Əliyev "AZWOOL" mineral daş yunu zavodunun açılışında iştirak edib
Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib
"Petkim"in etilen istehsalı 2 dəfə artırıla bilər
İlham Əliyev İmişlidə "Promalt" MMC-nin arpa emalı müəssisəsinin açılışını edib
Ən son xəbərləri bizim
"Facebook" səhifəmizdə izləyin
Digər xəbərlər
-
Əraqçi: İran zənginləşdirilmiş uranı ölkədən çıxarmaq niyyətində deyil
-
ABŞ İranın 4 vətəndaşını sanksiya siyahısına salıb
-
Tramp Nvidia-nın keçmiş rəhbəri Censen Huanqa ikinci şans verməyə çağırıb
-
Alyona Əliyeva "Heydər Əliyev və Azərbaycan tarixi" X ümumrespublika bilik yarışından paylaşım edib
-
Fransa Senatı polisin silah tətbiqinə dair qanun layihəsini təsdiqləyib
-
İsrail ordusu ən yüksək döyüş hazırlığı vəziyyətinə gətirildi: Yeni hücum gözlənilir













