İsrailin gecə saatlarında endirdiyi hava zərbələri nəticəsində İranın nüvə proqramında iştirak edən azı 6 alim həlak olub.

Bu barədə yerli və beynəlxalq mənbələr məlumat yayıb.

MOSSAD-ın (İsrailin kəşfiyyat xidməti) məlumatına əsasən, hədəfə alınan şəxslər birbaşa İranın nüvə silahı istehsalı ilə bağlı layihələrdə iştirak ediblər və ölkənin strateji planlarının əsas icraçıları olublar.

Kəşfiyyat məlumatlarına görə, İran yaxın bir neçə gün ərzində 15 nüvə başlığı istehsal etməyə hazırlaşırdı. İsrailin bu istiqamətdə atdığı addım təhlükənin qarşısını almağa yönəldilmiş qabaqlayıcı zərbə kimi dəyərləndirilir.

Həlak olan alimlərin arasında urana zənginləşdirilməsi, raket daşıyıcı sistemlərin hazırlanması, eləcə də nüvə obyektlərinin təhlükəsizliyi ilə bağlı sahələrdə çalışan mühüm mütəxəssislərin olduğu qeyd olunur.

Hadisə İran daxilində və beynəlxalq ictimaiyyətdə ciddi rezonans doğurub. Tehran rəsmiləri bu hücumların cavabsız qalmayacağını bəyan ediblər. İranın ali lideri Əli Xamenei isə ordunun tam sərbəst şəkildə cavab tədbirləri görməsinə icazə verildiyini vurğulayıb.

Hazırda bölgədə vəziyyət son dərəcə gərgindir və yeni eskalasiya dalğasının başlayacağı ehtimalı yüksək qiymətləndirilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2