Kolorado Dövlət Universitetinin amerikalı alimləri LL-341070 adlı maddə kəşf ediblər. Bu birləşmə neyronları zədələyən nevroloji xəstəlikləri olan xəstələrin görmə qabiliyyətini bərpa edə bilər. Bu xəstəliklərə dağınıq skleroz aiddir.

“Far.Az” xəbər verir ki, tədqiqat “Nature Communications” (NatComms) elmi jurnalında dərc edilib.

Mütəxəssislər aşkar ediblər ki, LL-341070 siçanlarda mielin regenerasiyasını gücləndirə və beynin görmə ilə bağlı funksiyasını yaxşılaşdıra bilər.

Mielin neyronların çıxıntıları ətrafında qılaf əmələ gətirir, bu strukturların qidalanmasını və onlar boyunca elektrik impulsunun keyfiyyətli ötürülməsini təmin edir.

LL-341070 ilə müalicə ciddi zədələnmələr zamanı bərpa prosesini daha səmərəli edib.

“Biz uzun illərdir ki, mielinin beyin fəaliyyətində həlledici rol oynadığını bilirik. Bu tədqiqat kortikal mielinin görmə funksiyasındakı rolunu vurğulayır. Preparat dönüş nöqtəsi ola bilər, çünki o, beynin təbii bərpa mexanizmlərini sürətləndirir”, – tədqiqatın həmmüəllifi doktor Daniel Denman qeyd edib.

Tədqiqatçılar preparatı beynin digər sahələrində sınaqdan keçirməyi və müalicəni təkmilləşdirməyi planlaşdırırlar, onu daha da səmərəli və nəticədə xəstələr üçün əlçatan etməyə ümid edirlər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Beyin funksiyasını yaxşılaşdıran dərman tapılıb

Alimlər beynin qocalması ilə bağlı mifi darmadağın ediblər

Bakıda COP29-un Liderlər Sammitinin açılış mərasimi keçirilib - YENİLƏNİB-2